Borxa García Barrera 3º A
Aquella mañana taba muy allegre. Cuasi nun durmiera porque yera la escursión de fin de cursu.
El viaxe foi divertíu y cuando llegamos quedámonos muy sosprendíos: yera una viesca perguapa, florida y muy verde. Pasamos el día xugando, corriendo, blincando...
Cuando aportó la hora de colar, yo baxé del manzanal onde taba subíu, pero al tocar el suelu quedé apegáu ensin poder moveme. Naide m'escuchaba, nin me vía.
Glayaba y glayaba pero l'autobús coló ensin mí. De sópito oyí:
- ¿Taba esto asina cuando llegastis?
Nun sabía quién falaba, pero cuando güeye alrededor vi aquel prau enlleno botes, papeles, bolses y una caña de manzanal rota.
Pero, ¿quién me falaba? Baxé la vista y una filera de formigues dixéronme:
- ¡Síguenos!
Lleváronme pa la so casina, que taba tapada con una bolsa.
Llueu sortió un gurrión a pidime ayuda pa poner la caña nel so sitiu.
Entós un coneyu mandóme quitar los postes de xugar al fútbol. ¡Taba agotáu!.
- ¡Borxa espierta! Güey ye la escursión.
Yera la voz de mio ma. ¡Too fuera un suañu!
Pero dende ese díi, entá curio más la ñatura y el mio entornu.
Hace 10 años
